طفل ن يجي المدرسه

طفل (ن) يجي للمدرسة دون مصروف

وإذا طلع فسحة تـوارى عـن النـاس

لامن نظر به واحد (ن) يرتجف خـوف

يخاف من ضحكة عديميـن الإحسـاس

يجي لمدرستـه مـع الصبـح مدفـوف

كتلة مشاعر تحتـرق داخـل أقـواس

له عائلة يعصف بهـا فقـر وظـروف

لولا الأمـل بالله ماتـوا مـن اليـأس

ما استجدوا العالـم ولا مـدوا كفـوف

متعففيـن ولا دروا عنـهـم الـنـاس

يا معلمه ما تلاحظـه كيـف مكسـوف

بالفصل والطابور مـا يرفـع الـرأس

وإذا نطق جملة تجـي كنهـا حـروف

يدافـع العبـرة ورى حبـس الأنفـاس

ما تلاحظه كنه قمـر صابـه كسـوف

ما تلاحظ شفاهـه مـن القهـر يبّـاس

ما تلاحظ ثيابـه بهـا فتـوق ونتـوف

وللعب مـا عنـده رياضـة ولا لبـاس

يا معلمه يا كاسب (ن) كـل معـروف

دامك عرفـت المشكلـة دق الأجـراس

يجونك أهل الخير والفزعـة صفـوف

كل (ن) يقول أبشر عسى ما حصل باس

أهل التقى وأهل الكـرم دائـم وقـوف

جنب الفقير اللي جرع كـأس الإفـلاس

ويا لله يا سامـع دعـا كـل ملهـوف

من جودك اجعل لي عن الفقر متـراس

من ما لفت انتباهي

آبدعت في الاختيآر

دمت

ومنك احلى شهاده

ربي يسلمك ع القصيد ..

فعلا روعه ..

تحياتي المعطره لك ..

يعطيك العافيه ع الطرح الرائع

لك ودي