مــــكـالـــمـة جــــــــــــــوال ؟؟؟؟؟؟

حــتــى وردنـي تالـي الـليـل جــوال

وانا على شاهي وبسكـوت ديمـة

الرقم بايخ لكـن الــصــوت قــتـال

كنــه مثل صـوت المذيعـة حليمـة

قــالت مساء الخير يـا طيّـب الفـال

قـلـت ارحــبـي تــرحيبـةٍ مستديمـة

بـالـعــود والصفـري ودلـة وفنجـال

واجـبـك يا بنت الأصـول الكريمـة

وردت بضحكة ثم قالت وش الحـال؟

قلت اشهد إن الحال عقبك سقيمـة

قالت وهي تضحك بعد مثل الأطفال

وانـــا بـعـــد كــنــي بــدونـك يتيمـة

مـــن يـوم قـالـتهـا تزلزلـت زلـزال

مــن فجعتي كنـي مسـوي جريمـة

قلت ارفعي صوتك ترى مابه ارسال

كـــذاب لــكـنّ المصيبـة عظيمـة

قالت أقول اسمع ترى هرجنـا طـال

مــمكـن تصاحبنـي ترانـي وسيمـة

واسمي الحقيقي أول حروفـه الـدال

لــكـــن يسمّونـي البنـات الزعيمـة

صحيح أحب الفخفخة واعشق المال

لكـن ترانـي طــاهــرة مستقيـمـة

ما عندي امغازل ولا( لعب يهّـال )

ما عندي إلا في الشرف والحشيمـة

بس الصراحة قلبي لشوفتـك مـال

واصبحت وحدك جالسٍ في صميمه

فكّر بعقلك واترك القيـل والقـال

واحذر تطيع اهل العقـول العقيمـة

وارسل علي الحين خمسميـة ريـال

أشحن بهـا جـوال أختـي غنيمـة

أو طقم غالي فيه خاتـم وسلسـال

أروح بـه فـي عـرس ولاّ عزيمـة

قلت الحقيقة مانيب رجـل أعمـال

ولانـي بتاجـر والمـوارد عديـمـة

أنا الصراحة شبـه عطّـال بطّـال

وعلاقتـي بالفــقـــر جـداً حميـمـة

والراتب الله يرحم الحـال مـا زال

محـدود والمصـروف ربـي عليمـه

والــديـن بـالآلاف والبنـك شغّـال

يــاكـل فـلـوسـي بالربـا والظليمـة

والسوق طايح والغلا ضيّـق البـال

والموت والله صايـر اكبـر غنيمـة

قالت تحمّل بـس والحمـل ينشـال

خلك شديد الباس صلـب العزيمـة

ياخي تصرّف جعلك اتصيـر نشّـال

أهـــــم شــي إن النوايـا سليـمـة

لابــد تـفـهمني علـى كـل الأحـوال

ما دمت من أهل العقـول الفهيمـة

قلت إيه والله فاهم اللي على البـال

لــكــن تــرى هـذي علينـا قديمـة

يــا بـنت هـذا صايـر اليـوم مـوال

للي تبي تلعب علـى ابـن اللئيمـة

يا بـنــت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال

من عقب ما جات العواقب وخيمـة

والبنت لا اقتفى عرضها بيد الأنـذال

والله مــا يــبـقـى لهـا أي قيـمـة

قالت تبي ولاّ فـ خـلّك علـى جـال

مهوب ناقصـني نصايـح حكيمـة

عز الله إنك للأسف منـت رجّـال

وانك قليل الذوق ما فيـك شيمـة

يا لعنبو اللي مـا يسطّـرك بنعـال

حــتـى يـعـلمـك الغـزل يـا بهيمـة

( تفو ) عليك وصكّت الخط في الحال

مدري ( تفو ) هي مدح ولاّ شتيمه

أقدم إعتذاري على بعض الألفاظ التي وردة في اواخر القصيدة ... ولا تحملوا الشاعر ملامة لانة مايدري هي مدح وإلا شتيمة

هههههههههههههههههه
ابو نايف
معذور اخوي ومحشوم من الكلمات البذيئه
قصيده جزله وعسى فالك النقاط

سنكوحي
يسلموا على المررررور... وفالك التوفيق .. وكلك ذوق..!!

حركتات وش هالحركات من جد ابيات الرائعه

الله يوفقك ولا يحرمك من غاليك

لاتحرمنا من طرحك المتميز

تقبل مروري

أم حنفي

ابو نايف

يعطيك الف عافيه

ابياات رائعه

ربي مايحرمنا جديدك

ودي

ههههههههههههه تسلم يمينك على القصيده الجزله

وانت داائم مبدددددددع

الله لايحرمنا من قلمك

وانا مااقدر اوفي حقك بالكلام

تقبل مرووري

ومع تحيااات اخووك وصديقك
صاااحب الووفااا

سلمت يداك
قصيده جزله
تقبل مروري

ابو نايف..
::
اكثر من رااائع..ذالك الذي قرأته اعلى السطور..
::
:
لاداعي لأن اعقب... لك..
لان حروفك ارقى ان تعقب.. خلفها..
::
لكن!!!
ذااائقة فاقت التميز..
راقت لي كثيرا..
:::
اعجبتني بحق..
ابداع جاوز الحدود..
وجاوز التميز..
::
مكثت طويلا..
ارتب حروفي..لكن!!
ذالك هو مااستطعت.. ان اترجمه لك..
:
:
سلمت..
وسلمت اناملك على النقل المميز..
::

آعجز وآنـآ آقوووول آبدآآآع ...

دمت ودآم لنـآ تميــــــــــزك ..

يسلموا ع القصيده ..

تحياتي المعطره لك ..

اشكر كل من تواجد في صفحتي .. ولكم مني كل الحب والتقدير