مسجات الجرح وعزة النفس

ماني من اللي يرخص النفس لا ضاق
ولاني من اللي يرخص اليوم غالي
سبحان ربي كرم النفس بأخلاق
الطيب عمي ومصدر الجود خالي
واللي يبيني يمه الروح تنساق
واللي سلاني عنه القلب سالي

**********************

وفر كلامك ورني عرض الأكتاف
قلبي كره هجرك ولا هو بمجبور
ترى القلوب بطبعها شي شفاف
الكسر فيها صعب تلقى له جبور
ولا تحسب إني من الهجر بخاف
يا شيخ خذ حبك وقلبك ومشكور

**********************

يا صاحبي منت كفو وين ما سرت
خلك بدارك لا تتعب قلوب وياك
اتعبتني مادري وشهي نواياك
لكن أنا هاليوم ماني مثل ماكنت
اصبحت قاسي وعادي أعيش بلياك
أرجوك انساني واعتبرني مت
لأني هاليوم ما طيق لقياك

********************

انت بالأصل واطي وأنا معليك
كنت أظنك تملك طيب الرفاقة
كنت أدري إنك كاذب وأنا مخليك
قلت يمكن تتعدل بعد الشفاقة
ما تمشي الدنيا على تمنيك
بيجيك يوم وتعرف معنى العلاقة

********************

شوف غيري حتى لو قلبي يبيك
شوف غيري أنا ما أنفع معاك
انت تلقى من يحبك ويشتريك
وأنا بلقى من ينسيني غلاك
خلني أنسى كل شي فيك
وانت انسى طيبتي وابدى بجفاك
لا تفكر فيوم بندم وأجيك
قلبي والله اليوم ما همه رضاك

********************

بدري عليك تبكيك عيني
من ما يبينا ما نبيه
وش عاد أغليك
بدري عليك إنك تذلني
ما عدت أحبك ولا عدت أبيك
انتهى فيني هواك
وانتهيت من حياتي
انتهى قلبي وغرامه
والنهاية تبتديك

******************

شفت المقفي وربي ما اتعبه لو خطوتين
واصبعي وهو اصبعي لامن غدرني أقطعه
ابسئلك سؤال واحد والجواب بكلمتين
لاصار قدرك والهوى خصمين من تاقف معه
ياخي العزة كرامة وانت دايم مستهين
ياخي ضرسك لو اوجعك بذمتك ما تقلعه؟

******************

شكــرا على الجرح كفيت ووفيت
عفوا على الحب والإخلاص والغيرة

******************

عسى الليالي في زمانك توريك
وعسى مقادير الليالي تهينك

*****************

بنساك يا جارح القلب بنساك
وانسى حبيب كان بالأمس يغليك
برحل عسى الأيام فيني توريك
كلي أسف من ماضي كنت وياك
خسارة إني كنت في يوم هاويك

*****************

من عرفتك ما عرفت إلا الجروح
كن قلبي لا هواك ولا عشقك
يا حبيبي للأسف ما فيك روح تستحق
إني علشانك اتبعك
ببتعد عنك وابني لي صروح
وانت شف غيري لعله يسمعك

*****************

خلك مع اللي بالكذب يعطيك
وأنا ترى بلقى ملايين تسواك
لا تحسب إني برخص النفس وارجيك
ما ذل نفسي لمثلك وشرواك
يحرك علي وصلك وقربك ولا جيك
العيد عيدين وثالثهم يوم فرقاك

*****************

عزاه صرنا نلتقي مثل الأغراب
عقب الغلا كلن بوجهه يصدي
من عقب ماحنا عزيزين وأصحاب
اليوم كلن صد قصده تحدي
لكن يطول الوقت وتعرف الأسباب
تندم على وقتن مضى كنت ضدي

*****************

تحسب إنه بغيابك بذكرك في كل حزه
واتندم واترجى واعتذر وأبوس راسك
للأسف كنت مثل صلب سيجارة تنتهي في كم مزة
وانتهيت وما طفيتك واحرقك غيري وداسك

****************

هذي هي الدنيا متاهات وأحزان
كلن يدور راحته ما لقاها
تبي لها صبر مع شوي نسيان
مع ضحكة تخفي دموعك وراها

***************

فوق الجروح االلي بقلبي من سنين
يكفي دخيل الله لا تجرحوني
ما دامكم مانتم لجرحي مداوين
انسوا وجودي بينكم واتركوني
وش من عذابي والعنى مستفيدين؟

**ممآ رآآق لـي **

من جد الله يعطيك الف عافيه ع المسجات 00

بصراحه تبرد القلب 00

تحياتي المعطره لك 00

جمييييييييل وروعه وابداع
تقبلي مروري

آللـه لآيحرمنآ هـ المرور العسـل .:*~

يعطيك العافيه غروومه ع المسجاات

حبي لكِ